SABI cousi, jou qu'ét bouy disé,
La nouce deü bési Bernat ;
Que m'y soy cercat ûe frise,
Et que m'y soy perdieü hartat,
Coum û pédouil, coum û pourcat.
Aquieü hoü cousi
Dé mati,
Qu'ey coulabe lou bi.
Dieü quine hartère,
Quine arrégoulère,
Quine boune chère,
Quin nou'ns hazen serbi !

Exprès bachat dé la mountagne,
Cousi qué tazt podés pensa,
Si la gahouille n'ère à plagné,
Car qu'at sabés, aü cujala
Dap broge et lart (leyt) qué caü passa ;
Tabé hoü cousi
Dé mati,
Qu'èri autour deü toupi !
Dieü quine hartère,
Quine arrégoulère,
Quine boune chère,
Quin nou'ns hazém serbi !

Tout habilhat dé nabe peille,
Plaà dispaüsat y plaà floucat,
Près de jou qu'abi la bouteille,
Que bébem a nousté santat
Aüs frais d'aquét brabé Bernat ;
Tabé hoü cousi,
Dé mati,
Gouayré nou m'y bédi !
Dieü quine hartère,
Quine arrégoulère,
Quine boune chère,
Quin nou'ns hazem serbi !

Dabord qué partim ta la messe,
Daban quère lou tambouri,
Lou moundé qué courre dap presse
I même qu'ens boulé ségui
Tans ha la sègue, qu'at sabi !
Labets hoü cousi
Chens chégri,
Qu'eüs dey u galabi !
Dieü quouan dé hartère,
Quine arrégoulère,
Quine boune chère,
Quin nou'ns hazem serbi !

La nobi paréchè tristote,
Lou nobi semblabe u pesquitou ;
Qu'ens hazè doü praubé Jeannotte,
Mes dé Bernat quabem jélou,
Qu'ens at counéchè lou frippou ;
Tabé hoü cousi
Ta'ns tradi,
Toustem qn'ens dabe bi !
Dieü quouan dé hartère,
Quine arrégoulère,
Quine boune chère,
Quin nou'ns hazem serbi !

Nère pas prou dé ha boumbance,
Tout lou die qu'alou dansa,
Jou qu'abi ta plée la panse,
Bat-leü que nou poudi bouha,
Engouère mey chic poudi saüta ;
Tabé hoü cousi,
Jou qu'abi,
Mey besouin dé droumi.
Dieü quouan dé hartère,
Quine arrégoulère,
Quine bonne chère ?
Quin nou'ns hazem serbi !

Après soupa, Bernat, noust'hôste,
Dap Jeannotte qué s'éscapa ;
I ta que noü déssem la roste,
Dens la crampe s'ana flisca ;
Labels quère perguieü, l'aha !
Labels hoü cousi
Qu'estéfi,
Bernat aquét couqui !
Dieü quoan dé hartère,
Quine arrégoulère,
Quine boune chère,
Quin nou'ns hazem serbi !

Ataü dounc qué passem lou die,
Au miey d'ûe grane gaüyou ;
Jou qué hey la court à Marie,
I qu'em sembla qu'abè ta you
Drin dé tendrésse y d'abandou !
Tabé hoü cousi
Jou qu'èri,
Balen qu'oum û pouri !
Dieü quouan dé hartère,
Quine arrégoulère,
Quine boune chère,
Quin nou'ns hazem serbi !