QU'ABET dit troupe fidelle ?
Pastous, qu'abet entenut ?
Apprenet-nous la noubelle
Qui pertout hè tan de brut.

Ah ! quin maynatye,
Quoan de grandou !
La terre et lou Ceü qu'eü rendin houmatye ;
Tout nous announce û Saübadou.

AQUÈRE estelle brillante
Qui sus Betlhéem luseich,
La bouts de l'Anyou qui cante,
Tout û Diü bens descroubeich.
Ah ! quin maynatye

Poples, qui dens l'esclabatye,
Abet bersat tan de plous,
Reprenet are couratye,
Lou Ceü que s'oubreich per bous.
Ah ! quin maynatye

Per lou plus gran deüs miracles,
Lou Messie proumettut,
Suiban lous anciens ouracles,
Enfin, per nous qu'ey badut.
Ah ! quin maynatye

Lou meste de la nature,
Diü puissan, Diü éternel,
Per saüba sa créature,
Que debien féble mourtel.
Ah ! etc.

Cargat de noustes oufenses
Qu´es hé l´homi de doulous ;
Que pren sus eth las souffrenses
Qui deben cade sus nous.
Ah ! quin maynatye...

Fiers demouns qui het la guerre
Ta loungtems à l'Unibers,
La pats qu'ey are sus terre,
Retournats dens lous infers !
Ah ! etc.

Quin amou, quine tendresse,
Diü se hé semblable à nous,
Mes debat tan de feblesse,
Qu´oun descroubeich de grandous !
Ah ! quin maynatye...

Deya dens aquet tendre atye
Que pareich sa majestat ;
Touts lous traits de soun bisatye.
Soun traits de Dibinitat.
Ah ! quin maynatye...

Tout announce sa puissence,
Tout announce sa grandou ;
Yamey rey à sa nechense
Nou recebou tant d´aünou.
Ah ! quin maynatye...

Dous Jesus, caritat même,
Moun Diü, moun Rey, moun espous,
Ah ! mille cops anathème
Si yamey aymi que bous.

Ah ! quin maynatye,
Quoan de grandou !
La terre et lou Ceü qu´eü rendin houmatye ;
Tout nous announce û Saübadou.