Lo cap de l'aso m'èi trobat
Çò que lo lop n'a pas minjat
Cap, cap, cap,
Ne tornaràs pas tau marcat.
Hè retrenir lo ton claron,
Tòca mon aso, Peiroton.

Lo còth de l'aso m'èi trobat
Çò que lo lop n'a pas minjat.
Còth, còth, còth,
Ne tornaràs portar licòt
Qui t'estacava au barreton
Tòca mon aso, Peiroton.

L'esquia de l'aso m'èi trobat
Çò que lo lop n'a pas minjat.
'squia, 'squia, 'squia,
Ne tornaràs portar haria
Deu molin tà la maison.
Tòca mon aso, Peiroton.

Lo pè de l'aso m'èi trobat
Çò que lo lop n'a pas minjat.
Pè, pè, pè,
Ne tornaràs portar solièr
Ni solièr, ni sabaton.
Tòca mon aso, Peiroton.

Lo cuu de l'aso m'èi trobat
Çò que lo lop n'a pas minjat.
Cuu, cuu, cuu,
Ne tornaràs petar a l'escur,
Ni a l'escur, ni a la claror,
Tòca mon aso, Peiroton.

La coda de l'aso m'èi trobat
Çò que lo lop n'a pas minjat.
Coda, coda, coda,
Ne tornaràs pas har la roa
Tà virar las moscas deu bocicon.
Tòca mon aso, Peiroton.