Arrepic :

Vaca e can
Gat e puç
Mairam e pastors
Deu lop que's trufavan tots.

Muuuuu, Muuuuuu,
C'esmarrogava la vaca,
Lop ! Que't traucarèi la pèth
Dab los mens còrns.

Òu ! Òu ! Òu !
Ce lairava lo can,
Lop ! Dab los mens caishaus
Que't nhacarèi.

Ft ! Ft ! Ft !
C'escopiva lo gat,
Lop ! Dab las meas urpas
Que t'esquiçarèi lo mus.

Pic ! Pich ! shshshic !
Ce's pensava la puç
Lop ! Dab la mea sheringla,
Que't shucarèi la sang.

Bè ! bè ! bè !
Ce belava l'aulha
Lop ! Que m'estujarèi en la bòrda
E ne'm trobaràs pas.

Ça-i t'aci ! ça-i t'aci !
Ce miaçava lo pastor,
Dab lo men barrôt de mesplèr,
Que t'estarrocarèi.

Mes, anueit, shens brut, lo lop qu'ei entrat dens la bòrda.
Que s'a minjat lo pastor, lo can, l'aulha, la vaca, lo gat... et tot medish, la puç.

Arrepic tà acabar :

Vaca e can
Gat e puç
Mairam e pastors
Lo lop que'us se mingè tots.