GAY et doulou que dens moun cô sentéchi,
Qu´im plats bitare et puch qui noum plats pas,
Gouey doun you bibi et plazé doun mouréchì,
Si amou n´es-tu, de qué dounques seras ?

Si tu-es Plazé, dab tu perqué pâtéchi ?
Ou la doulou perqué dounques mé plas ?
Gay doun doli et maü doun mé gaüdéchi,
Si amou n´es-tu, de qué dounques seras ?

Perqué n´ey pats, puch que nou soy en guerre ?
Chens poü darré perqué soy en esglas ?
Boli peü Ceü et nou´m mabi sus terre,
Si amou n´es-tu, de qué dounques seras ?

Qu´arridi acy, puchenté aquiü que plouri,
Moun cô de houec aüta leü qu´ey de glas,
Que bouy parti, puch après que demouri,
Si amou n´es-tu, de qué dounques, seras ?