Quoand deu Bearn, a Pau,
Cade an, lous Deputatz
Deus tres ourdis tienèn autes-cops lous Estatz,
Enta regla l'impost qui toutz interessabe,
Ethz qu'èren toutz, a lur tour, coumbidatz
Enso de Mous de Lous, qui labetz presidabe.

Auprès d'u gros pastou, deputat per Ossau,
U senhou nabèt hèty qu'ère segut a taule.
Ta-s trufa de l'aulhee, eth que pren la paraule :
Moussu lou deputat,lou te ditz bit-atau,
Quoand bouletz debara
Lou seer de la mountanhe,
Quin siulatz lou troupèt
Entau ha rassembla ?
N'hayatz pas hounte,
Anem, hètz coum à la campanhe.
Apres s'esta drin hèyt prega,
L'Ossalees doucementz que se-b boute a siula.
Mes be siulatz dab plus de force ?
Oui, quoand lou troupèt
Ey hens quauque galihorce,
Ou que-s trobe fort loenh ;
Mes que siulam tout dous,
Quoand las bèstis, Moussu,
Soun au bèt près de nous.

Quand du Béarn, à Pau,
Chaque année, les Députés
Des trois ordres tenaient autrefois les Etats,
Pour régler l'impôt qui intéressait tout le monde,
Ils étaient, tour à tour, conviés
Chez Monsieur de Lons, qui alors présidait.

A côté d'un gros pasteur député par Ossau,
Un seigneur de fraîche date était assis à table.
Pour se moquer du berger, il prend la parole :
Monsieur le député, lui dit-il de cette façon,
Quand vous voulez
Descendre le soir de la montagne,
Comment sifflez-vous le troupeau,
Pour le rassembler ?
N'ayez pas de honte,
Allons, faites comme à la campagne.
Après s'être un peu fait prier,
L'Ossalois doucement se mit à siffler.
Mais vous sifflez avec plus de force ?
Oui, quand le troupeau
Est dans quelque fondrière,
Ou qu'il se trouve fort loin ;
Mais nous sifflons tout doucement,
Quand les bêtes, Monsieur,
Sont tout près de nous.