La vallée d'Ossau :
Culture, et Mémoire.
BAT d’AUSSAU.
|
La Bite Dous Pastous.
alèu arribats, lous brabes aulhès atrebits à tout, dab û beroy èr de gaymandè, que partéchen tau soum de las mountagnes, capsus, capsus tout près deu cèu, debath lou beroy cèu tout blu...
Que biben aquiu drin en baganauts, cinq ou cheys mes, en courrén d’û parat à l’aude, à fin e à mesure que las gèrbes e soun pechudes ; mes que bachen de cla en cla, ta bié béde lou coumbat de case ; lous joéns ta bié bayla capbath de las hèstes ; lous bielhs ta bié dise dus « paters » à la misse, entau bestia ; lous gourmans menicipaus ta bié discuti lous grans ahas coumunaus, de sodes de mountagnes ou de bacades, e lous audes ta bié pegueya drin, e touts ta biéne cerca la bioque de la quinzenade.
Cougats dab lou sou, e lhebats tabé, parié, que hèn tout die lou medich tribalh e la mediche bite.
Aulalèu sus pè, que mulhen las aulhes, que hèn lou roumàdge, aqueth boû roumàdge qui, bielh, n ’a pas enloc lou sou parié, que minjen drin de calhade e que bében û pa de coupets de lèytou (aperat en Aussau serigot, chenigou) e qui-us serbech de permé répèch ; cadû au tour que hèn ta très ou quoàte au cop û bèth caudè de broje dure, e que la minjen touts amasse dab lous grans culhés de huste, ta coumença trempade de chuc de lard, enta feni desmesclade dab lèytou ou dab poutàdge cla, enta mascadure, dab lou pâ de roumént ou de blat, nègre coum la souége, qu’an soubén û gnacot de lard coeyt à l’aygue ou à l’aujou deu hoec, tiengut dab ue brouquéte ou dab la punde d'û coutèth. Qu’ey la chingarre.
Quoan l’arrous ey secat., que dan la bie au bestia decap
ta las quintes.
|
|
 Sources
|
|
|
