La vallée d'Ossau :
Culture, et Mémoire.
Counferénce de Moussu EYT
|
|
sus lou gran sapiént aussalés, Gastou Sacaze
u’ey daban mey de cinq cents personnes que Mous d’Eyt a hèyt la soue counference sus lou gran sapiént aussalés, lou pastou Gastou Sacaze.
Que badou à Bagès au ras dou biladye de Beost en 1797 (lou 20 de May) e que s’y mouri à 96 ans en 1893.
Qu’esté coume lou sou pay e lous sous ayèus beroy yougadou de flahute. Et medich que-s hè ue arpe e u
briulou, e qu’en tirabe sous qui estounaben.
U cop òmi, que leyi touts lous libes qui-u s’encountrèn à pourtade e qu’abalè trattats de fisique e
d’astrounoumie e encoère lou gran e lou petit « Albert !... » Tabé, coume lou tustaben souben à la cantère dous camis dab u libe en goardan lou bestia, lous sous couneguts e besis que l’aperaben lou « brouch ».
Tout de bon que credèn qu’abè poudés. Coume ta ha créde qu’ère bèt drin encantayre e percantayre qu’abè à la soue maysou de Bagès u armàri plé de sèrps en bite e que disàn que ta deberti-las que las hasè dansa au sou dou tambouri.
Ta goagna quauque so, que boulou saya la medecine beterinàri, (1835) mes, miassat per la ley, que-s
countentè d’estudia las èrbes, las plantes, lous calhaus. Pla que s’y escadou pusque debiengou en chic de temps sapiént e que descroubi quauques flous qui an batiades dou sou noum. Lou yerbiè qui a dechat qu’a decap à 3.000 numéros de plantes arrecades e esplingades dab l’ayutori de Moussu Cazavant farmacian à Arudy e lou fray de Sacaze qui ère curè d’Aste Beou.
Las pèyres troubades per et dens las espelugues d'Aussau, las plantes dou yerbiè, lous ausèts empalhats, que soun are au Musée d’Aygues-Bounes.
Hère d’estranyès en passeyade qu’estén lous sous amics. Que puyè sou pic de Mieydie d’Aussau en 1841.
Que s’ère boutat à ha pouesies biarneses. « La Houn de Laruns », « Oucupat », etc... mes n'ey pas coume pouète qu’aquet aussalés bibera.
Que caleré toutu goarda la memori d’aquet brabe paysa, e, en acaban, Mous d’EYT que souhèyte — aus aplaudimens dous qui l’escouten — qu’ue pèyre-escribude qui si lèu pausade sus loustau de Gastou Sacaze ta mantiéne, se-s pot, dens lou cap dous yoens qui arriben, lou soubeni d’aquero glôri biarnese.
Apuch Eyt, hère aplaudit per touts, que y abou ue partide gauyouse : Pellissou e lous rays Palay que digoun bercets e Mous de Eyt, qui nou cragn pas la fatigue que dit aqueste charmante pèce :
AUSSAU
« AUSSAU, MAS AMOURETES,
AUSSAU, JOU M’EN Y BAU ! »
I
Cadu qu'ayme soun pèys ! Lou me qu'ey lou mey bèt
Déus bèts parsâs biarnés : d'Aussau qu'ey la balée
Mentabude plâ loegn dehèt !
Pregoune, estréte en cèu, d'u casau qu'ey l'alée
Toute semiade en flous, estrengude en couliè
Per bouchetsendrets oun y a bouch (buis) e boelas,pacatje. floucats deu Ger altiè,
Dab lou Gourzy coum joy beryè !
Que s'oubrech tout d'u cop sus lou poun de Loubie
Ta l'estranjè biengut de Pau per Rebenacq,
Esmabut de gaha tau bie
En sourtin dens sarrots coste.de Gan e Sebignacq !
Au pè déus estujòns lou caminau s'abie
Dab bire-plecs penents dinquo Bielle-ma Fouè,
En dechan Castèt hens sa couè !
De Bielle enta Laruns presque dret que s'estire
Péu miey déus cams de Biou, de Gère e Beleslén ;
Déra Getéu que-s cap-bire
Debat Gètre e Loubié, daban Biost que s'estén ;
De roche-piè qu'endre au Burguet, au Port que-s bire ;
Arreplegat en serp que s'arrounse au lasé
Dinquo las Aygues de plasé !
Aussau ! Bèt pèys d'amou, fresc parat de berdure,
Hantat déus grans aulhiès, gaymants à came dure,
Ahamiats de broje e mesture,
Tas nautats chens parié que-t an hèyt u renoum !...
...Auta loegn coum biram las hoelhes de l'istòri,
Que-t bedem pèys d'aunou, hourat dinquòu bel soum
D'òmis pouderous hens la glòri !
Lous bielhs Galés brouncuts qu'an oundrat touns parsâs
De tribalhs de gigants, taulès ou peyrassas,
Moumbrances de hourtaleras !
Lous Roumans embejous qu'an ourbit tas peyrères
De marbres estigglats, e hêyt, à gran talhucs,
Ta gleyses e palays bèyts pialas ou chambrières
Ta castèyts de segnous malhucs !
Aus Mourets escounuts per tas bayts ellourendes
Que déus lou goust coustiu de las coulous hissendes
E de las grans capes penendes !
Hilhòus de taus payrans lous Aussalés lurous
De oey, grandous, courtes, las toyes Aussaleses,
Balentes mes qu'enloc, qu'an lou cô sanguinous
Lous pugns doublats de hourtaleses !
Pèys toustem respectat péus besîs d'Aragon
Bissiat coum u hilhot, bielh Aussau, péus biscountes
Déu nouste Biarn aymat qu'ès lou pèys amigou
Déus soubenis e déus bèyts countes !
Qu'ès lou pèys benedit déu Meste de touts bés !
Ta lauda tas nautats, mustres de souns poudés,
Plàse e goari soun touns debés !
II
Enta plàse aus curious qu'as Benou sus Bilhères,
Houndas dab sa capère au miey de cabalhères ;
Qu'as lou liloy l’Oasis de Belesten tirat
D'Aste e Biou per lou gabe esmalit, iragat ;
Qu'as lou Gourzy, lou Ger e la Berde mountagne
D'Aas, Ley, souns malhs blus e sa fresque campagne,
Lous chourrutès d’Iscô, déu Séli e déu Hau,
Lous gabes : Balenti, Sourde e bourien Aussau,
E lou Hourat sudèc e las tutes pregounes
D'Aygues-Caudes, d'Izeste e déu pè d'Aygues-Bounes ;
Qu'as las berdétes bayts dera lou nan Gabas :
Bious-Artigues, Sousouéu, Broussete e Magnabas,
E lous goulums pesquès d’Ayous, d’Aule e d’Artouste
Lous pics cremats péu soum dab tous pès héns la brouste,
Arroumérats en roun deu Réy cap nut, grandous,
Tienguts loegn en respèc, coum baylets péus segnous !
Enta goari malaus qu'as las ayguetes caudes,
Beroys presens, nautats de pouderouses hades !
Chatiques e doulons, rématismes, tremblés,
Maus de rée ou de cap, maus de tout téms, feblès
Hens lou Clot e lou Rey ou cabbat l’Esquirete
D'Aygues-Caudes se-n ban ; Menbielle, la fresquete,
Qu'escarre l'estoumac ; la dret-mourte Baudot
Qu'ellouche lous budèyts déu tripart malaudot.
Lous touhequès jaunous, courades entecades,
Poeyrits escoupitès, ganurres assecades,
Lou sang herit, macat, à petits hourrupéts
Que-t chuquen la santat dehens lous chourrupéts
De Coumes d’Aas, d’Ourtètch ; dab las Arquebusades
Déu Turoun lèu goarits de lurs costes plagades,
De la gane e déu nas que se-n tournen hardits,
La hourtalesse au cô, croumbade à chic d'ardits !
Ço qui mielhe arré-hè lous praubots de la bite,
Toustem mendrins, mey flacs au tems oun tout arpite
Que soun, bèt pèys reyau, goastat de bats lurous,
Toun cèu blu, toun èr fresc, toun sourelh amourous !
Enta fini, que-s youguè lou Franchiman e, auta lèu apuch, qu’anèm béde lous dansàyres tan lèstes e tan fiers, puch lous pastous à came de hèr qui bachen dou soum de la mountagne coum calhaus arrounçats per ue ma soulide.
Que calera que tourném parla d'aquets branlous, d’aquets ayres tan curious, d'aqueres pelhes simples e bères, d’aquet lengatye siulat doun se serbechen lous aussalés d’ue mountagne à l' aute, de toutes aqueres causes qui hèn d’aquet parsa de terre biarnese u dous cantès lous mey interessants qui sie.
Lou sourelh qui hè tatès per las brumes leuyères qu'ey encoère à d’ensus : Que bam, rabets, ha u tour decap à la chourrotes (Cascades) doun lou spectacle ey tan bèt e la noeyt que cad quoan tournam à l’oustau.
|
|
 Sources
- La Bouts de la Terre, d'ARMAGNAC, BIARN, BIGORRE e LANES, Emprimerie, 11, carrère de la Préfecture, PAU, 1910
|
|
|
